Minggu, 13 April 2014

Sudirman‎ ACEH LAM PANTON (Aceh dalam Pantun)

<<<<<<<Ungkapan hate>>>>>>>>>

Aneuk cempala di cong bak tingkeum,
Aneuk rambideun sutra di rawe,
Keuno hai adek taduk lam leumung,
Tadengo bang kheun dum asoe hate,
Wahee cut adek meubek le taplung,
Han ek le lon peutheun rindu lam hate,
Meutindeh lapeh rindu meukaleung,
Keu gata buleun han ek lon peutheun le,

Lon sambot gata jaroe lon sunyung,
Han ek lon peutheun ie mata ile,
Rindu keu gata katrep meusareung,
Meu buleun buleun ulon nyo tacre,

Beuthat pih meunan rasa han kureung,
Teutap mantong nyum rasa lam hate,
Oh gata gisa hai dek teutap ulon tung,
Ngen paleut lon theun ulon preh sabe,

Awoh tuboh lon dek katinggai tuleung,
Meuthon meubuleun gata lon pike,
Oh wate malam lon eh teugageung,
Keu gata buleun rindu hana pre,

Mantong teuingat masa yoh jameun,
Yoh phon phon takheun cinta ta uke,
Wate nyan taduk bak aleu papeun,
Gubok meurinyeun bak jambo pade,

Bak phon ta eu lon gata ta senyum,
Lansong di ek nyum dilon bak hate,
Sinan phon mulai cinta tarangkum,
Hingga meusareung lam lubok hate,

Teungoh cot uro ka ditoh ujeun,
Ie bak seurayung ka punoh batee,
Jino lon tanyong seureuta lon kheun,
Keulon hai buleun pu mantong tapike,???
Diposting oleh di Tidak ada komentar:

Selasa, 01 April 2014

SALEUM TEUKA

Saleum Teka

Atadroe MukhtarAtadroe Mukhtar 
memperbarui deskripsi.
12 Juli 2013

megah that manyang gunong seulawah,
nyeng lebeh ceudah gunong gle beutong,
selamat katroh keuno neulangkah,
dalam group nyeng pah aceh lam panton.

ranup lam batei boh pineu teuplah,
gapu tatamah ranup teulason,
tamong syedara laju beubagah,
peugadoh sosah nibak group panton,

budaya aceh dile kon meugah,
dalam sejarah dile saboh thon,
trok bak geutanyo bek sampe bicah,
budaya meugah dak jeut beuharom.

nyokon geutanyo nyeng tem peucerah,
igop meutuah cit kureung meuphom,
putra putri aceh ckop that ceudah,
tapeu meuriah budaya panton,

tasuson haba ta eu beu pah2,
bek lupah lupah haba lam panton,
karena aceh nyo seramo meukah,
bek rot maruwah wahe rakan lon,

saleum pembuka kasep sipatah,
silap ngon salah lon lake ampon,
dari admin saleum haba sipatah,
ucapan indah SEULAMAT MEUGABONG...!!!

TTD
ATADROE MUKHTAR And SUDIRMAN
Batal Suka · · 713360



  • komentar dari
  • Mus Liadi  
    Dengon bismillah kata lon pupon.
    Gata yg lon Sanjong ateh grop rika
    Meah hai ketua telat lon suson.
    Sebab diri lon sibuk lagoi na.

    Haba sipatah ujo ulon me panton
    Genanto lon Kunjong kanibak gata.
    Nibak uro kata lon petron.
    Pujo kerabbon lon lake meah sigra

    Hate tat senang sereta rihon.
    Wate lon kalon panton dalam rika
    Hana pre wate ke bandum rakan lon
    Kaditem sanjong seni yg mulia.

    Lon lake terimong genaseh bak ketua panton.
    Menyo hana seni panton sepi terasa
    Menyo kalage nyo rame rakan diulon.
    Gebalah panton pebangun bangsa.

    Aceh tabangun ngon seramo mekkah.
    Tempat ibadah yg tat mulia.
    Maka uro nyo ke bandum rakan metuah.
    Lon ucap alhamdulillah kanetem sereta.

    Menan cit atadro han tuwo ulon pegah.
    Haba siulah yg tat mulia.
    Nebi ya tuhan ku nebi curuga indah
    Ureng yg papah nanggro yg bijaksana.

    Dari lamsepot jino kalemah.
    Aceh lampanton metuah yg tat lon bangga.
    Tame lake bak sidro allah.
    Aceh seramo mekkah baek bejaya.

    Menan cit bg sudirman yg tat cedah
    Be gebi le allah curuga yg mulia.
    Menyo kana lage nyo kana cedara metuah.
    Jino hana le lemah atra yg budaya luwa.

    Kebandum rakan yg tat lon kagumi.
    Salem lon peili be sehat saja.
    Anek perantowan sabe na lam rawi
    Kebudaya seni yg tat ulon cinta.

    Eh no keh mantong haba lam rawi.
    Haba lon isi didalam rika.
    Pat na yg salah nepegah Sarang neperati.
    Lon kureng jet merawi bak rakan dumna.

  • Tgk Thaliban  
    ranub laseh bouh pineung krang lon bouh keu lam idang keu jamei teuka geulantou lon bie ranub ngon pisang geulontou lon pulang ranub meuseujou haba lon rika haba keunarang sambout hai rakan ngon dua jarou jarou lon siplouh di ateuh ulei meu ah lon lakei bak kawoum lingka selamat ulamg tahun GAM ke 37
    4 Desember 2013 pukul 7:50 · Suka · 1

    • Muzlim Coki Coki 
       P0h sa mant0g awai, dil0n beklam p0h stng0h 4 br0e tenget, mangat that p0h bandet beuklam. Huahahaha
      14 Januari pukul 10:57 · Suka
    • Atadroe Mukhtar 
      paki han tengeut e Muzlim metuah,
      dimuyup peratah kaji'ek i mbon,
      suasa kaleupi lwat poe dua blah,
      mata ka mirah mekuin lam ija krong.

      Maka olehnyan lon grak lgkah,
      segra lon jak rah muka ngen idong,
      dg berwudhuk menan tpegah,
      mangat teunget pah lam seleubong.

      hahaha
    • Yusaidi Al-qaraki  
      menyoe nyan status gata ta peu phon loen koment lansong wahe ee akhi walau pih panton nyan karangan loen ku koment ju jet lee ureng turi .. hahahaha... na balah
      25 Januari pukul 17:35 · Suka · 
      • Kuta Nagan  
        Cukop meusaneut haba neukisah,
        Cukop that indah rika neususon,
        Cukop santon wate neupegah,
        Cukop that pah rika lam panton.

        Ka ulon tameng keno kulagkah,
        Ka ulon lagkah keno mhimpon,
        Ka ulon tron ku ayon langkah,
        Ka ulon cah kaye lam rabon.

        Lagak that haba wate gekisah,
        Lagak that arah rika mula phon,
        Ranup seulason kana lam capah,
        bibi mirah indah meusabon.

        Keu ubat hate pegadoh susah,
        Keu ubat susah dum wareh lon,
        Emang ka cocok hana le salah,
        Emang that pah maka kugabong.

        Assalamualaikum warahmatullahi wabarakatuh.
    Atadroe Mukhtar  
    Wa alaikumsalam warahmatullahi wabarakatuh.

    Reudok dilanget kajipoet U gle,
    Sinyak ade pade dareu ateuh tika,
    Sabe geujaga tip-tip wate sabe,
    Demi keu padei manok geupegla.

    Umpama haba bacut lon mise,
    Di dalam ca-e seni budaya,
    Di ureng teuka cit rame sabe,
    Menyoe tan tarabe tatakot binasa.

    Trep-trep sigoe tajak saweu le,
    Lam Grop ALP tapeugoet rika,
    Tapeubudaya lewat meurawe,
    Tapeusaboh hate mandum sydara.

    Meua'ah tertera lon lake sabe,
    Bek jet keu weuh hate wate nebaca,
    Karena lam rika teulat kurawe,
    Padahai lam ca-e sabe na kubaca.

    oleh sebabnyan rakan bohate,
    tajaga ca-e beusama rata,
    nibak beranda tacek sabe,
    lapor lajue le takirem berita.

    Tragedi na kata-kata yg jahe,
    Atau khen kafe sesama anggota,
    Atau meudawa kajeut kepake,
    Meunan sinde jak hadu domba.

    Hal yg lage nyan taceugah sabe,
    Jeut bek salah rawe keno dijakba,
    Atau lam haba pakat lawan ca-e,
    beulaju tapike nyan cit ban jet mrika.

    Harapan kamoe lage meu uke,
    beumeuhase geutanyoe hamba,
    bek jet keudawa lam rika rawe,
    hana indah le wate gop baca.

    Terimengkaseh tgku bohate,
    ranup lam bate kameusedia,
    tanda mulia meutarok gambe,
    tapajoh laju le mari tacoba-coba.

    Lon jamak mndum lam sboh rawe,
    hana ku sebut le lon hatur nama,
    yg penteng kana rika lon ca-e,
    beumangat hate beuleupi di dada.
    27 Maret pukul 17:22 · Suka · 2
    • Mus Liadi 
       Assalamualaikom warah matullah.
      Pu na masalah dalam aceh budaya.
      Bacut lon tanyong bak awai kisah.
      Bak Atadroe Mukhtar metuah pu yg kateka.

      Wate lon baca laen silempah.
      Yoh bak pon kisah na kenek kelua.
      Pe lom terjadi rika metuah.
      Yg tengoh cidah kana yg cuca.

      Abeh han abeh rika metuah.
      Allah metuah pejioh bala.
      Kamo ureng aceh budaya indah.
      Be bagah nepelemah cahaya purnama

      Karap sibulan na gerasa senang..
      Dalam hukom alam ALP nama.
      Pakon oh jino kana lom yg mumang.
      Pajan keh kesenangan yg kamo rasa.

      Ya allah ya ilahi rabbi ya tuhan kamo.
      Pe sadar diri nyo ya allah yg tan deca.
      Bukon kamo benci saudara yg ka mesaho
      Kamo mohon bak dro mebek pedeca

      Dikamo natsu aceh beme sampo.
      Kamo peilah kedro yg kamo pinta.
      Hana kamo lake yg pe kuto nanggro
      Yg nit dikamo aceh bek le durhaka.

      Wahe ee rakan hai ureng lam nanggro
      Budaya tanyo janji beek bahagia
      Menyo meno macam laen lom bago.
      Pajan ke sampo tanyo aman sentausa

      Menan cit ulon hai rakan boh hate.
      Bacut kurawe ata yg maha kuasa.
      Demi diri lon perjuangkan aceh besare
      Mangat bek na le getanyo haro hara.

      Ulon lake meah nyo na tepeh hate.
      Kadang lam rawi na salah haba.
      Ulon simpan kedro han le ku pike.
      Kasaket lam hate jino lon peke luwa

      Diawai pon lon bena gepike.
      Hana lon pekuto cae didalam rika.
      Menyo tan darakan deca han gepike.
      Ulon sep saket hate lon bi nasehat saja.

      Nyan keh nyan mantong hasrat lam hate.
      Meube pade aceh han lon lupa.
      Aceh nanggro lon hudep ngon mate.
      Hana kubi roh pecre be saudara kumita.

      Ulon ulang sigo tek haba lam cae.
      Meah hai rakan bohate bak gat cedara
      Kadang na salah haba lon bak gepike.
      Didalam cae ulon tunduk pemeah sigra.
      27 Maret pukul 17:55 · Suka · 1
     
Diposting oleh di Tidak ada komentar:
Langganan: Postingan (Atom)